Yadda Yan Kannywood Suke Baje Kolinsu A Social Media

Samuwar shafukan sada zumunta da muhawara na zamani irin su Facebook, da Twitter da Instagram, ta kawo sauye-sauye a fannoni da dama na rayuwar dan adam.


Shafukan sun kawo sauyi a yadda ake kasuwanci da neman ilimi da samun labarai da ma 'tsegumi'.

Hakan ne ya sa 'yan wasan kwaikwayon Hausa, wadanda aka fi sani da 'yan Kannywood, suka riki wadannan shafuka wajen ganawa da masoyansu.

Binciken da na yi ya nuna cewa akasarin 'yan wasan Kannywood na yin amfani da shafin Instagram, kuma hakan ba ya rasa nasaba da kasancewar shafin wani dandali da ake wallafa hotuna da bidiyo, wanda dama shi ne burin masu sana'ar fim.

Sai dai baya ga Instagram, wasun su suna amfani da Twitter da kuma Facebook, ko da ya ke bincike ya nuna cewa 'yan Kannywood din suna 'tsoron' Facebook ne saboda ana yawaita samun masu yi musu sojan-gona.

Mun yi nazari kan yadda wasu fitattun 'yan fim ke baje-kolinsu a wadannan shafuka:
Image caption Ali Nuhu ya dade yana jan zarensa a Kannywood
Ali Nuhu


Ali Nuhu, ko "Sarki", kamar yadda aka fi sanin sa a Kannywood, shi ne mutumin da ya fi mabiya a Facebook, inda yake da mabiya sama da miliyan daya.

Baya ga Facebook, fitaccen dan wasan kwaikwayon yana da mabiya fiye da 200,000 a Instagram, yayin da yake da mabiya sama da 91,000 a Twitter.

Yawanci dai yana amfani da shafukan ne wajen aikewa da hotuna da bidiyo da kuma labaran irin fina-finan da yake fitowa.


0 comments:

Post a Comment

HausaMedia.Com | All Rights Reserved
Fb tt wp ig g+
Owned And Modify By HausaMedia