Home

Music

Video

Kanny

Tags:

An Rufe Tashar Da Dr Zakir Naik Yake Wa'azi A Bangladesh Bisa Zargin Ta'addanci


Gwamnatin Bangladesh ta ce za ta hana wata fitacciyar tashar talbijin ta Musulunci, Peace TV yada shirye-shiryenta a kasar.

Hakan na zuwa ne a lokacin da tashar da saka wa'azin wani fitaccen Malami Zakir Naik, wanda ake zargin wa'azin ne ya tunzura masu tayar da kayar bayan da suka kashe mutum 22 a wani hari da suka kai kantin shan shayi a Dhaka, babban birnin kasar.

Sai dai Mista Naik ya musanta wannan zargi.

Ita ma gwamnatin Indiya ta dauki matakin hana kallon tashar a kasarta.

A wani matakin na daban kuma, gwamnatin Bangladesh ta yi kira ga makarantun sakandire da na gaba da su da su sanar da hukumomi a duk lokacin da wani dalibi ya yi fashin zuwa makaranta na fiye da kwana 10.

A makon da ya gabata ne wasu mahara suka kai hari wani kantin shan shayi har suka kashe mutane 22 a birnin na Dhaka.


0 comments:

Post a Comment

HausaMedia.Com |™ Hausa News And Entertainment Blog | All Rights Reserved
Fb tt wp ig g+
Owned And Modify By HausaMedia