Home

Music

Video

Kanny

Tags:

Tsohon Shugaban Kasa Olusegun ObaSenjo Yace 'Yan Majalisu Mutanen Banza Ne


Ba wannan ne karon farko da Obasanjo ya caccaki 'yan majalisar ba


Tsohon shugaban kasar Najeriya Cif Olusegun Obasanjo ya ce yawancin 'yan majalisar dokokin tarayya "mutanen banza" ne.

Obasanjo ya bayyana haka ne a hirarsa da 'yan jarida a fadar shugaban Najeriya da ke Abuja, babban birnin kasar.

Tsohon shugaban kasar ya ce, kamar yadda ya sha nanatawa a baya, 'yan majalisar dokokin tarayya ba su da martaba.
Talla

'Yan jarida sun tambayi tsohon shugaban kasar ne kan yadda za a shawo kan rikicin da ya barke tsakanin wani dan majalisar wakilai da wasu shugabannin majalisar kan cuwa-cuwa a kasafin kudin 2016, inda ya ce "maimakon a shawo kan wannan rikici, ya kamata a rikar zabar maza da matan da suke da martaba."

Obasanjo ya ce, "Ya kamata shugaban kasa ya rika sa ido sosai kan irin mutanen da za a zaba domin zama 'yan majalisa."

A baya ma dai tsohon shugaban na Najeriya ya taba zargin cewa 'yan majalisar miyagun mutane ne da ba su da kishin kasa.

Sai dai 'yan majalisar sun ce kura ba za ta cewa kare maye ba.


0 comments:

Post a Comment

HausaMedia.Com |™ Hausa News And Entertainment Blog | All Rights Reserved
Fb tt wp ig g+
Owned And Modify By HausaMedia