Home

Music

Video

Kanny

Tags:

Filin Girke Girke Yadda Ake Hada Libiyan Cous Cous Mai Dadin Gaske


LIBYAN COUS COUS

Hadadden kuskus dan libiya mai matukar dadin gaske Hajiya karki bari a baki labari jaraba nasan zakiji dadinshi kwarai da gaske.

ABUBUWAN DA AKE BUKATA.

Cous Cous
Nama
Ruwan nama
Albasa
peas
Tomato paste
attarugu
mai
maggi
salt
curry
thyme
kanunfari
masoro
citta
kayan kamshi.

MATAKIN FARKO 1:-

Da Farko ki samu cous cous ki juye dai-dai yadda zaki yi amfani dashi a cikin kwano, sai ki dauko ruwan nama amma mai zafi ki juye a cikin cous cous din, ba fa kicika ruwa ba, dan dai-dai yanda zayyi danshi alamar ansa masa ruwa ki jujjya ki nemo murfi ki rufe.

ki sami albasa isashe ki yanka su dayawa, amma ba yanka kanana ba, sannan ki dauko tukunya, ki daura a wuta, ki sa mai ki zuba albasa wanda kika yanka su kanana yana fara soyuwa sai ki zuba tomato paste dinki kamar babban cokali daya, sannan sai ki sa nikakken tarugunki yanda kike so.

MATAKI NA 2:-

Ki cigaba da juyawa, sai ki dauko naman da kika yanka manya, sai ki zuba a ciki, ki jujjuya ko ina ya bi, sai ki dauko spices ki zuba a ciki, sannan ki zuba maggi da gishiri, sai ki sami tafasashen ruwa ki zuba a ciki, wanda zai dafa miki naman.

Sannan lokaci zuwa lokaci ki rinka duba cous Cous din kina jujjuya shi saboda gudun kada ya duddunkule, kina barbaza shi ki sake rufewa.

Ki dauko albasan da kika yayyanka shi dayawa dinnan, kiyi steaming dinshi tare da wannan peas din. Sai ki sami wata tukunya daban, ki zuba mai, ki dauko wannan albasan da kika turara ki juye a ciki, sai ki debo ruwan wancan naman da ya riga ya dahu kamar ludayi uku ki zuba a ciki, yanda dai zayyi ruwa-ruwa, ki dauko spices kadan shima ki dan sa masa, amma kadan saboda ruwan naman nan akwai komai a ciki, idan kuma kin ji komai yaji toh ba sai kin kara ba, sai ki rufe ki barshi ya cigaba da dahuwa.

MATAKI NA 3 :-

Daga nan sai ki dauko cous cous dinki, ki juye shi shima a steamer din, don ki turara shi, idan ya turaru sai ki sauke, ki dauko wani kwano daban ki juye duka cous cous din, ki dauko wannan naman, ki debo ruwan ki rinka zubawa a saman cous cous din, sai ki jujjuya shi ya juyu, sai ki dauko serving tray ko plates, ki zuba cous cous din.

Ki dauko naman da ruwan namar duka ki juye a ciki, idan na tray daya zaki yi kenan, idan kuma faranti daban daban sai ki rarraba kowa ki sa masa, daga nan sai ki dauko miyar albasan nan ki juye shima a sama

Cous cous din zayyi washar washar ba zai cabe ba, saboda ba a jibga masa ruwa an dafa sa ba, turarasa aka yi, ki gwada ki gani.

Share this


0 comments:

Post a Comment

HausaMedia.Com | All Rights Reserved
Fb tt wp ig g+
Owned And Design By HausaMedia