Home

Music

Video

Kanny

Tags:

Dangote Zai Gina Katafariyar Hanyar Kankare A Nigeria


Gwamnatin Najeriya ta kulla yarjejenniya da kamfanin Dangote domin gina hanyar kankare mai nisan kilomita 42 daga garin Obajana zuwa Kabba a jihar Kogi.

A yammacin ranar Talata ne bangarorin biyu suka sanya hannu kan kwangilar a Abuja.

Babban sakatare a ma'aikatar ayyuka da gidaje da wutar lantarki Injiniya Magaji Abdullahi Gusau ne ya rattaba hannu a madadin gwamnatin tarayyar.

Yayin da mai bai wa shugaban kamfanin na Dangote shawara Injiniya Joseph Makoju ya sa hannu a madadin kamfanin, yana mai cewa "babban cigaba ne a tarihin Najeriya".

Kamfanin na Dangote zai kashe kimanin Naira biliyan 11 da rabi a aikin, amma an ba shi aikin ne a madadin biyan kudin haraji na sama da Naira biliyan biyar.

Kamfanin ya ce watanni 24 ne lokacin da aka amince kare kwangilar, amma ya ce ya kudiri aniyar kammala wa a cikin watanni 16.

DGA SHAFIN : bbchausa

Share this


0 comments:

Post a Comment

HausaMedia.Com | All Rights Reserved
Fb tt wp ig g+
Owned And Design By HausaMedia